Þórður Þorgeirsson fékk viðurkenningu frá Félagi tamningamanna fyrir reiðmennsku sína á mótinu. Hann sýndi hvorki meira né minna en 26 hross hér á Vindheimamelum, öll í röðum kynbótahrossa.

Sigurður Sigurðarson og Kjarnorka frá Kálfholti eru Landsmótssigurvegarar í B flokki gæðinga.

Landsmótið var formlega sett við hátíðlega athöfn á Vindheimamelum í kvöld.
Setningarathöfnin er jafnan hátíðlegur viðburður, þar sem um 200 hesta hópreið hestamannafélaganna marserar inn á mótssvæðið á eftir fánaberum íslenska fánans.

Viðar Ingólfsson á Tuma frá Stóra-Hofi eru í efsta sætinu eftir forkeppni í tölti.
Hlutu þeir 8,57 í einkunn. Sigursteinn Sumarliðason á Ölfu frá Blesastöðum 1A var efstur alla keppnina en hann reið fyrstur i braut og gaf tóninn. Hestarnir voru stórkostlegir í kvöld enda aðstæður allar hinar bestu.

Í gærkvöldi voru riðnir 2 sprettir af 4 í 250m og 150m skeiði.
Það var reynsluboltinn Sigurbjörn Bárðarson á Óðni frá Búðardal sem rann 150m á besta tímanum, 14,64. Óðinn lá aðeins annan sprettinn en það dugði þeim félögum í gær.

Það er ekki af ástæðulausu sem hann er kallaður stutt "klippu"masterinn hann Henning á Isibless. Henning ráfar um Landsmótssvæðið og tekur upp myndbönd af því sem á vegi hans verður.

Já þetta hljómar eins og úr einhverri hræðilegri Zombie-mynd (mjög hræðilegri) - en hér er um veruleika að ræða! Mjöðurinn er blandaður eplum og á víst að bragðast eins og einhvers konar búðingur.

Forkeppni í A-flokki er nú lokið á Landsmóti. Efstur inn í milliriðil er Ómur frá Kvistum með 8,93, knapi Hinrik Bragason. Annar er Heljar frá Hemlu II með 8,63, knapi Vignir Siggeirsson og þriðji Már frá Feti með 8,58, knapi Viðar Ingólfsson.

Kjarnorka frá Kálfholti er efst eftir forkeppni í B-flokki á Landsmóti með 8,84, knapi að sjálfsögðu Sigurður Sigurðarson. Annar hestur er Eldjárn frá Tjaldhólum með 8,74, knapi Guðmundur Björgvinsson og þriðja er Alfa frá Blesastöðum 1A með 8,72, knapi á henni var Sigurstienn Sumarliðason.

Hann er oftast kallaður Mr. Isibless fjölmiðlagúrúinn Henning Drath sem rekur þýska vefmiðilinn www.isibless.de. Henning er þekktur fyrir skemmtilegar og beittar fréttir af heimi hestamenskunnar í Þýskalandi. Á meðfylgjandi myndbandi sjáum við landsmót með hans augum.

Dagurinn í gær var frábær hér á Landsmóti. Veðrið yndislegt og stemningin rafmögnuð. Í gærkvöldi var haldinn góður knapafundur fyrir ungmenni og fullorðna og þar á eftir kom Friðrik Dór og sló á létta strengi með unga fólkinu, sem þáði pizzur og ís í boði Brynjars og félaga í Veislumúlanum.

Umsjónarmenn ræktunarbúa á Landsmótinu hafa dregið í sýningarröð þeirra á mótinu en sýning þeirra verður á föstudagskvöldinu 1. júlí milli kl. 20:00 og 21:00. Ellefu hrossaræktarbú taka þátt í sýningunni og sýna okkur það besta úr þeirra ræktun. Sérstök umfjöllun verður í mótsskránni fyrir hvert og eitt þessara búa.