Dýralæknir hrossasjúkdóma hjá Matvælastofnun hefur í samvinnu við Landsamband hestamannafélaga þróað fyrirkomulag heilbrigðisskoðana á keppnishestum sem byggir á 6. gr. laga nr.15/1994 um dýravernd:

Eins og öllum er kunnugt þá var ræktunarbúið Auðsholtshjáleiga valið Ræktunarbú ársins 2011. Myndband með þessari frétt var gert af Félagi Hrossabænda og sést á þessari samantekt svipmyndir frá sigrum Auðsholtshjáleigu árið 2011.

Nú fer Landsmóts sjónvarpið að vakna til lífsins aftur og í framhaldi af því verður boðið upp á þá nýjung að geta gerst áskrifandi að svokölluðu Landsmóts-sjónvarpi. Til að byrja með verður 140 mín samantekt frá Landsmóti 2011 aðgengileg í gegnum sjónvarpsáskriftina.

Þórður Þorgeirsson fékk viðurkenningu frá Félagi tamningamanna fyrir reiðmennsku sína á mótinu. Hann sýndi hvorki meira né minna en 26 hross hér á Vindheimamelum, öll í röðum kynbótahrossa.

Ómur frá Kvistum er óumdeilanlegur sigurvegari A-flokks gæðinga á Landsmóti 2011. Hinrik Bragason sýndi hestinn stórvel og uppskáru þeir einkunnina 8,98. Annar varð Álmur frá Skjálg, knapi Sigursteinn Sumarliðason með 8,68.

Sigurður Sigurðarson og Kjarnorka frá Kálfholti eru Landsmótssigurvegarar í B flokki gæðinga.

Þórður Þorgeirsson er knapi og reiðmaður LM2011, alla vega það sem af er. Frammistaða hans í kynbótasýningum mótsins er með algjörum eindæmum, bæði reiðmennskan og framkoma við menn og málleysingja. Næmi hans á hesta er með fádæmum og sýningarstjórar hafa sérstakt orð á á kurteisi hans, hjálpsemi og jákvæðu viðmóti.

Mette Mannseth sýndi Hnokka frá Þúfum til sigurs í B-úrslitunum í A-flokki með 8,59. Annar varð Sálmur frá Halakoti undir stjórn Atla Guðmundssonar með 8,56 og þriðji Möttull frá Torfunesi, knapi Erlingur Ingvarsson með 8,49.

Það voru tvær Geysisstúlkur efstar og jafnar í efsta sætinu í ungmennaflokki.
Þar sem ekki tíðkast lengur að láta knapa ríða bráðabana, voru einkunnir og sætaröðun dómara skoðuð og kom þá í ljós að Rakel Natalie hafði hlotið 1. sætið hjá 3 dómurum en Ragnheiður Hrund 2 sinnum.

Ingunn Ingólfsdóttir í Stíganda sigraði B-úrslitin í barnaflokknum á Hágangi frá Narfastöðum með 8,62. Þar með tryggði hún sér sæti í A-úrslitunum á morgun laugardag kl. 13:30. Önnur varð Fáksstúlkan Rúna Tómasdóttir á Brimli frá Þúfu með 8,57 og þriðja varð Sylvía Sól Guðmundsdóttir úr Létti á Skorra frá Skriðulandi með 8,53.

Sigursteinn Sumarliðason átti frábæra sýningu á glæsihryssunni Ölfu frá Blesastöðum 1A í A-úrslitunum í töltinu í kvöld með 8,94. Annar á eftir honum var landsmótssigurvegari töltins á LM2008, Viðar Ingólfsson á Tuma frá Stóra-Hofi með 8,78 og þriðji Steingrímur Sigurðsson á Mídasi frá Kaldbak með 8,67.

Yfirlitssýningar kynbótahrossa á LM2011 á Vindheimamelum hafa sannarlega verið viðburðaríkar. Fjórar tíur lágu. Tvær fyrir skeið, ein fyrir tölt og ein fyrir vilja og geðslag.

A-úrslitum í barnaflokki var að ljúka hér í frábæru veðri á Vindheimamelum. Glódís Rún Sigurðardóttir sigraði örugglega á stóðhestinum Kamban frá Húsavík með 8,83. Annar varð Guðmar Freyr Magnússon á Frama frá Íbishóli með 8,68 og þriðja Ingunn Ingólfsdóttir á Hágangi frá Narfastöðum með 8,65

Spuni frá Vesturkoti bætti sitt eigið heimsmet rétt í þessu með því að hækka í 10,0 fyrir vilja og geðslag. Það þýðir að hann er kominn í 9,25 fyrir hæfileika! Þetta er hæsta aðaleinkunn sem hross hefur nokkurn tímann hlotið. Þórður Þorgeirsson sýnandi Spuna sýndi hestinn snilldarlega og dró fram það allra besta í hestinum.

Það var hún Hulda Gústafsdóttir sem sigraði B-úrslitin í tölti rétt í þessu á Sveig frá Varmadal. Hlutu þau 8,28 í einkunn. Annar varð bóndi hennar Hinrik Bragason á Sigri frá Hólabaki með 8,17. Frá

Jón Bjarni Smárason tryggði sér þátttökurétt í A-úrslitum ungmennaflokks með því að sigra B-úrslitin nú í kvöld. Jón Bjarni og Háfeti frá Úlfsstöðum hlutu einkunnina 8,65. Önnur varð Ellen María Gunnarsdóttir á Lyftingu frá Djúpadal með 8,55 og þriðja Júlía Lindmark á Lómi frá Langholti með 8,53.

Það var sennilega hárrétt ákvörðun hjá Einari Öder Magnússyni að draga Glóðafeyki frá Halakoti úr töltinu í gær. Alla vega var hann í fínu formi í dag og sigraði B-úrslitin með 8,70. Ekki langt undan var Baldvin frá Stangarholti og Reynir Örn Pálmason með 8,68 og þriðji Sædynur frá Múla og Ólafur Ásgeirsson með 8,61.

Seinni sprettirnir í skeiðinu voru farnir í blíðviðrinu í kvöld. Í 150m skeiðinu var Óðinn frá Búðardal hjá Sigurbirni Bárðarsyn fljótastur í kvöld  á tímanum 14,64 sek. Annar varð Teitur Árnason með Veigar frá Varmalæk á 14,73 sek og þriðji Ragnar Tómasson á Gríði frá Kirkjubæ á 15,02.

Landsmótið var formlega sett við hátíðlega athöfn á Vindheimamelum í kvöld.
Setningarathöfnin er jafnan hátíðlegur viðburður, þar sem um 200 hesta hópreið hestamannafélaganna marserar inn á mótssvæðið á eftir fánaberum íslenska fánans.

Viðar Ingólfsson á Tuma frá Stóra-Hofi eru í efsta sætinu eftir forkeppni í tölti.
Hlutu þeir 8,57 í einkunn. Sigursteinn Sumarliðason á Ölfu frá Blesastöðum 1A var efstur alla keppnina en hann reið fyrstur i braut og gaf tóninn. Hestarnir voru stórkostlegir í kvöld enda aðstæður allar hinar bestu.